काठमाडौँ – नेकपा (एमाले) ले १०औँ महाधिवेशनको लोगो र नारा सार्वजनिक गरेको छ।
पार्टी कार्यालय च्यासलमा शुक्रबार आयोजित पत्रकार सम्मेलनमा पार्टीका महासचिव ईश्वर पोखरेलले महाधिवेशनको लोगो र नारा सार्वजनिक गरेका हुन्।
‘दक्षिणपन्थी अवसरवाद र सांगठनिक अराजकताको अन्त्य गरौँ, जबजको मार्गदर्शनमा समाजवादको आधार तय गरौँ’ भन्ने नारा रहेको छ भने लोगोमा गैँडाले पार्टीको झण्डा बोकेको छ।
सार्वजनिक कार्यक्रमा एमाले सचिव योगेश भट्टराई, स्थायी कमिटी सदस्य विष्णु रिमाल, केन्द्रीय कार्यालयका सचिव शेरबहादुर तामाङ, बागमती प्रदेश अध्यक्ष आनन्द पोखरेललगायतको उपस्थिति थियो ।
एमालेको १० औँ महाधिवेशन मंसिर १०–१२ गतेसम्म चितवनमा हुने तय भएको छ। देशभरबाट महाधिवेशनका लागि प्रतिनिधि छनोट गर्ने काम भइरहेको छ।
प्रतिक्रिया दिनुहोस्