काठमाडौं । आज बिहान जाजरकोटमा बस दुर्घटना हुँदा पाँच जनाको मृत्यु भएको छ। नेपालगन्जबाट जाजरकोटको कालिमाटी जाँदै गरेको ना ६ ख २७५७ नम्बरको रात्रीबस जाजरकोटको कुदु बराहचौर नजिक दुर्घटना हुँदा पाँच जनाको मृत्यु भएको जिल्ला प्रहरी कार्यालय जारकोटले जनाएको छ।
आज बिहान सबा २ बजे बस सडकबाट झण्डै डेढ सय मिटर तल खस्दा दुर्घटना भएको जाजरकोटका डिएसपी मधुकुमार थापाले जानकारी दिए।
दुर्घटनामा पाँच जनाको मृत्यु भएको छ। बाँकी २८ जना यात्रु घाइते छन् , घाइतेमध्ये तीनजनाको अवस्था गम्भीर रहेको प्रहरीले जनाएको छ।
मृतकको सनाखत भइनसकेको बताइएको छ। दुर्घटनामा ज्यान गुमाउनेमा एकजना महिला, एकजना बालक र बाँकी ३ जना पुरुष छन्।
घाइतेको अहिले जिल्ला अस्पताल जाजरकोटमा उपचार भइरहेको छ। गम्भीर घाइते ३ जनालाई थप उपचारका लागि बाहिर पठाउने तयारी भएको प्रहरीले जानकारी दिए ।
बाक्लो हुस्सु लागेको कारण चालकले बाटो नदेख्दा बस पल्टिएको प्रहरीको अनुमान छ।
‘
प्रतिक्रिया दिनुहोस्