काठमाडौं। नेपाली काँग्रेसका सभापति एवं प्रधानमन्त्री शेरबहादुर देउवाले फेरि तानाशाही सरकार नआओस् भन्ने कुराको फैसला काँग्रेसको १४ औँ महाधिवेशनले गर्ने बताउनुभयो ।
पार्टीको १४ औँ महाधिवेशन समारोहमा आफ्नो मन्तव्य बोल्नुहुँदै प्रधानमन्त्री देउवाले सो कुरा भन्नुभएको हो ।
अब आउने सरकार पनि कांग्रेसको बनाउने भन्दै उहाँले आफूलाई जिताउन महाधिवेशन प्रतिनिधिलाई आग्रह गर्नुभएको छ । ‘मलाई जिताउनुस् म स्थानीयदेखि राष्ट्रिय सरकार काँग्रेसकाे बनाउँछु । मलाई एक पल्ट जिताइदिनुस्,’ उहाँले भन्नुभयो ।
उहाँले भन्नुभयो, ‘जुन दिन मेरो सरकार बन्यो, त्यो दिन सारा जनताले मुक्ति पाए । ओलीको शासनबाट मुक्ति पाए । गाउँदेखि माथिसम्म काँग्रेसको सरकार हुन्छ, त्यो मेरो जिम्मा भयो ।’’
प्रतिक्रिया दिनुहोस्