काठमाडौं । प्रधानमन्त्री शेरबहादुर देउवा र नेकपा माओवादी केन्द्र अध्यक्ष पुष्पकमल दाहाल प्रचण्डबीच भेटवार्ता भएको छ । देउवा र प्रचण्डबीच शुक्रबार बिहान प्रधानमन्त्रीको सरकारी निवास बालुवाटारमा भेटवार्ता भएको हो ।
प्रचण्डले देउवालाई १४ औं महाधिवेशनबाट कांग्रेसको सभापतिमा निर्वाचित भएकोमा बधाई तथा शुभकामना दिएका छन् ।
भेटवार्तामा वर्तमान राजनीतिक परिस्थितिसहित गठबन्धनको आगामी रणनीतिबारे पनि छलफल भएको बताइएको छ । संसदमा देखिएको राजनीतिक गतिरोध अन्त्यका विषयमा पनि प्रधानमन्त्री देउवा र प्रचण्डबीच छलफल भएको छ ।
प्रतिक्रिया दिनुहोस्