काठमाडौं । नेपाली कांग्रेस प्रदेश नं.२ को अधिवेशनबाट कृष्ण प्रसाद यादव निर्वाचित भएका छन् । यादव सभापति शेरबहादुर देउवा पक्षका हुन । कृष्ण यादवले प्रदेश २ का भौतिक पुर्वाधार विकास मन्त्री रामसरोज यादवलाई पराजित गरेको छन् ।
रामसरोज यादव कांग्रेस प्रदेश नं.२ का संसदीय दलका नेतासमेत हुन । रामसरोज यादव नेता विमलेन्द्र निधि र शेखर कोइराला समूहबाट उम्मेदवार बनेका थिए । कृष्णप्रसाद यादव सभापति देउवा पक्षबाट उम्मेदवार बनेका थिए । कृष्णप्रसाद यादवले १ सय ४१ मतान्तरले रामसरोजलाई पराजित गरे ।
कृष्णले ९ सय ९६ मत पाए भने रामसरोजले ८ सय ५५ मत पाए । प्रथम प्रदेश अधिवेशनबाट प्रदेश कार्यसमिति चयनका लागि बिहीबार बिहान ९ बजेर ४० मिनेट देखि साझ ८ बजे सम्म मतदान भएको थियो ।
१ हजार ९३८ मतदाता मध्ये १ हजार ८८१ मत खसेको थियो । ३० मत बदर भएको निर्वाचन समितिले जनाएको छ ।
प्रतिक्रिया दिनुहोस्