काठमाडौं । काठमाडौंको नयाँ बसपार्कमा एक महिलालाई ९ द्धारा सामूहिक बलात्कार गरेका छन्।
काठमाडौं महानगरीय प्रहरी परिसरका अनुसार ३४ वर्षीया महिलालाई मंगलबार रातभर नयाँ बसपार्कस्थित एउटा गेस्ट हाउसमा सामूहिक बलात्कार गरिएको हो ।
यसैबीच प्रहरीले पीडितको उजुरीका आधारमा नयाँ बसपार्क क्षेत्रका विभिन्न स्थानबाट सामूहिक बलत्कार गर्ने ८ जनालाई प्रहरीले पक्राउ गरेको छ ।
पीडित पक्षले दिएको उजुरीमा पीडक ९ जनाको नाम छ। जसमा अझै एक जना फरार रहेका छन् ।
काठमाडौं प्रहरी परिसरका प्रवक्ता दिनेश मैनालीका अनुसार ७ जनालाई मंगलबार राति र एक जनालाई बुधबार बिहान पक्राउ गरिएको हो।
पक्राउ पर्नेमा ७ जना मुगु जिल्लाका र एक जना अर्घाखाँचीका हुन्।
पीडित महिला सुर्खेतको भएको खुलेको छ। उनका श्रीमान भारतमा रहेको खुल्न आएको प्रहरीले जनाएको छ।
प्रहरीका अनुसार पक्राउ परेका पुरुष १९ देखि ४३ वर्षसम्मका छन्।
‘आठ जना पक्राउ गरिसकेका छौं, एक जना फरार रहेकाले खोजी गरिरहेका प्रहरीले बताएको छ । घटनाबारे थप अनुसन्धान भइरहेको प्रहरीको भनाइ छ ।
पीडित महिलाको स्वास्थ्य परीक्षण गरिएको र उनको अवस्था सामान्य रहेको बताइएको छ ।
प्रतिक्रिया दिनुहोस्