काँग्रेस महाधिवेशन : कहाँ के हुँदैछ ?

काठमाडौं । नेपाली काँग्रेसको प्रदेश नम्बर २ बाहेक छ वटा प्रदेश अधिवेशनको प्रक्रिया अगाडि बढिरहेको केन्द्रीय निर्वाचन समितिले जनाएको छ । काँग्रेसको कार्यतालिका अनुरुप  बिहीबार देशका सात वटै प्रदेश अधिवेशन सुरु हुने भनिए पनि प्रदेश नम्बर २ मा प्रक्रिया अघि बढ्न सकेको छैन ।

हिजो छ वटा प्रदेशको मतदाता नामावली प्रकाशन भएको छ । प्रदेश २ मा उद्घाटन भएको भनिएको छ । तर, मतदाता नामावली निर्वाचन समितिलाई प्राप्त भएको छैन । यो प्राप्त हुने बित्तिकै समितिले प्रकाशन गर्ने समितिका सचिव जगन्नाथ श्रेष्ठले बताउनुभयो ।

उहाँले छ वटै प्रदेशमा शनिबार मतदान प्रक्रिया अगाडि बढ्ने बताउनुभयो । प्रदेश २ को पनि छिटोभन्दा छिटो नामावली प्रकाशन एवम् अधिवेशन प्रक्रिया अगाडि बढाउन निर्वाचन अधिकृतहरु निर्वाचनस्थलमा रहनुभएको उहाँको भनाइ छ ।