काठमाडौं । नेकपा एमाले केन्द्रीय कमिटीको दोस्रो बैठक भक्तपुरस्थित जर्मन भवनमा बस्ने भएको छ ।
मंसिर २५ र २६ गते बस्ने केन्द्रीय कमिटी बैठक भक्तपुरस्थित जर्मन भवनमा बस्ने पार्टी केन्द्रीय कार्यलय सचिव शेरबहादुर तामाङले बताए । बैठक बिहान ११ बजेबाट सुरु हुनेछ ।
एमालेको १०औं महाधिवेशन पछि पहिलो बैठक चितवनको सौराहमा नै बसेको थियो । दोस्रो बैठकको मिति चितवनमा नै घोषणा भएको थियो । बैठक बस्ने स्थान भने मंगलबार पार्टी केन्द्रीय कार्यालय थापाथलीमा बसेको महासचिव तथा सचिवहरूको बैठकले तय गरेको हो ।
यस अघिसम्म केन्द्रीय कमिटीलगायतका बैठक च्यासलस्थित तुल्सीलाल प्रतिष्ठानमा बस्दै आएका थिए । महाधिवेशनपछि केन्द्रीय कमिटीको संख्या ३०१ भएपछि तुल्सीलाल प्रतिष्ठानमा स्थान अभाव भएकाले भक्तपुरमा बस्न लागेको एमालेले जानकारी दिएको छ । केन्द्रीय कमिटीले स्थायी कमिटी र पोलिटब्युरो गठन गर्नेछ ।
प्रतिक्रिया दिनुहोस्