काठमाडौं । नेपाली कांग्रेसको १४ औं महाधिवेशनका लागि सभापतिको साझा उम्मेदवार बनाउन बसेको संस्थापन इतर समूहको बेठक निष्कर्ष बिहीन सकिएको छ । बुधबार बिहान अनुप फुडल्याड गौशालामा बसेको बैठब बिना निष्कर्ष सकिएको सहभागी एक नेताले बताए ।
यता संस्थापन समूहले पनि पदाधिकारीका उम्मेदवार टुङग्याउन भने बसेको बैठक निस्कर्ष विहीन सकिएको छ ।
बुधबार कांग्रेस सभापति तथा प्रधानमन्त्री शेरबहादुर देउवाले आफ्नो समूहको बैठक बोलाएर पदाधिकारीबारे छलफल गरेका थिए । तर बैठकमा पदाधिकारीबारे टुङगो लगाउन नसकेको बताइएको छ ।
संस्थापन इतर समूहको बैठकमा सभापतिको साझा उम्मेदवारबारे आफ्ना पक्षबाट जिल्लाको नेतृत्वमा जितेका, उम्मेदवार बनेका, पूर्व जिल्ला सभापतिहरु र प्रदेशमा सभापति जितेका तथा उम्मेदवार बनेका र केन्द्रीय समितिमा रहेका नेताहरुसँग छलफल गरेको थियो । छलफलमा कुनै निष्कर्ष निस्कन नसक्दा दिउसो फेरी बैठक बस्ने भएको एक नेताले जानकारी दिए ।
अर्जुननरसिंह केसीले बैठकमा केन्द्रदेखि जिल्लासम्मका नेताहरुसँग उम्मेदवारबारे राय लिएको जानकारी दिए ।
आजै बैठक पूर्व महामन्त्री प्रकाशमान सिंहको चाक्सीबारीस्थित निवासमा बस्नेछ ।
देउवा निवास बुढानिलकण्ठमा बसेको बैठकमा पदाधिकारीका आकांक्षी धेरै भएपछि सहमति जुट्न नसकेको सहभागी एक नेताले बताए । सभापतिमा देउवा दोहराउने संस्थापन पक्ष एकमत भएपनि पदाधिकारीमा भने आकांक्षि बढी हुदा सहमति जुट्न सकेको छैन ।
संस्थापन समूहको बैठकमा पनि पदाधिकारीका आकांक्षि धेरै भएकाले सहमति हुन सकेको छैन । उपसभापति विजयकुमार गच्छदारले उपसभापतिको दागि दाबी गर्ने बताएका सहभागी एक नेताले बताए ।
महामन्त्रीमा डा. प्रकाशरण महत, नेताहरु बालकृष्ण खाँण, एनपी साउद, ज्ञानेन्द्रबहादुर कार्की र विश्वप्रकाश शर्मा आकांक्षि छन्। बैठकमा पाँचै जनाले महामन्त्रीमा दावी गरेका स्रोतले बताए ।
त्यस्तै सहमहामन्त्रीमा खस आर्यतर्फबाट किशोर सिंह राठौर, मधेशीबाट अजय चौरासिया र महेन्द्र यादव, महिलाबाट डा. डिला संग्रौला र महालक्ष्मी उपाध्याय डिनाले दावी गरेका छन् भने पुष्पा भुसालले पनि पदाधिकारीमा दावी गरेको बताइएको छ । संस्थापन समूहको बैठक भोली बिहीबार बस्ने छ ।
प्रतिक्रिया दिनुहोस्