काठमाडौं । नेपाली कांग्रेसका संस्थापन इतर पक्षीय युवा नेताहरुबीच छलफल सुरु भएको छ । बिहीबार विहानबाट बत्तीसपुतलीको अनुपम फूढल्याण्डमा सभापतिको साझा उम्मेदवार छान्न नेतृत्वलाई दबाब दिने भन्दै बैठक बसेका छन् ।
मंगलबार दिनभरी बैठक छलफल भए पनि संस्थापन इतर पक्षले सभापतिको साझा उम्मेदवार तयन गर्न सकेनन् ।
दिउँसो सभापतिका दाबेदारसहित केन्द्रीय नेताहरुको छलफल भएको थियो ।
बुधबार विहान पौडेल पक्षका केन्द्रीय सदस्य, प्रदेश सभापति, जिल्ला सभापतिहरूको बैठक बसेर सभापतिमा साझा उम्मेदवार चयनका लागि छलफल गरेका थिए । तर निष्कर्ष निस्कन सकेन ।
दिउँसो फेरी केन्द्रीय सदस्यसहित सभापतिका दाबेदारहरुको बैठक बसेको थियो । तर दाबेदार नेता रामचन्द्र पौडेल, महामन्त्री शशांक कोइराला, प्रकाशमान सिंह र शेखर कोइरालाबीच भएको छलफलमा पनि साझा उम्मेदवार तय हुन सकेन ।
नेता पौडेल र महामन्त्री कोइराला सहमतिका लागि लचिलो देखिएका स्रोतले बताए । तर प्रकाशमान र शेखरले आफू सभापतिको उम्मेदवारबाट पछि नहट्ने बताएपछि बैठक बिना निष्कर्ष टुङगीएको थियो ।
संस्थापन इतर समूहले अझै पनि सकेसम्म साझा उम्मेदवार बनाउने तयारी गरीरहेका छन् । त्यसैको लागि दाबब दिन युवा नेता छलफलमा जुटेको एक सदस्यले बताए । युवा नेताहरुको बैठक सकिएपछि सभापतिका दाबेदार नेताहरुसहितको छलफल तयारी गरेका छन् । यदि सभापतिका दाबेदारहरुले नमानेमा युवाहरुले हस्तक्षेप गरेर अगाडि बढ्ने योजना बनाएको एक युवा नेताले बताए ।
प्रतिक्रिया दिनुहोस्