ए डिभिजन लिगको आठौँ चरणका खेलहरु आजबाट सुरु, पहिलो दिन २ खेल हुने

काठमाडौँ । कतार एअरवेज शहिद स्मारक ए डिभिजन लिगको आठौँ चरणका खेलहरु आज(शुक्रबार) दिउसो १ बजेबाट सुरु हुँदैछन् ।
पहिलो दिन हुने दुवै खेल त्रिपुरेश्वरस्थित दशरथ रंगशालामा हुनेछ । दिउँसो १ बजे हुने पहिलो खेलमा सातदोबाटो युथ क्लब र संकटा क्लब भिड्ने छन् । आजको खेलमा संकटाका डिफेन्डर नहुँदा उनको स्थानमा एक भारतीय खेलाडी राख्ने तयारी भएको प्रशिक्षक राजकुमार केसीले जानकारी दिए । आजै हुने दोस्रो खेल पौने ५ बजेबाट सुरु हुने छ । दोस्रो खेलमा एपीएफ फुटबल क्लबले जावलाखेल युथ क्लबसँग प्रतिस्पर्धा गर्नेछ ।