कृष्ण गिरी\सविना पौडेल
संक्रमित तथा आईसोलेसनमा रहेका नेताहरुले आफूहरुको सम्पर्कमा आएकाहरुलाई स्वास्थ्य सावधानी अपनाउन आग्रह गरेका छन् ।
होम आईसोलेसनमा बसेका प्रधानमन्त्री शेरबहादुर देउवाको पसिआर परिक्षण आज नहुने भएको छ । स्वास्थ्यमा समस्या नआएपनि पिसिआर परिक्षण नगरुन्जेल आईसोलेसनमै बस्ने प्रधानमन्त्रीका स्वकिय सचिव भानु देउवाले बताए ।
काठमाडौं । नेकपा माओवादी केन्द्रको आठौं महाधिवेशनको दोस्रो दिन केन्द्रीय कमिटीको पहिलो बैठकबाट अध्यक्षमा पुष्पकमल दाहाल प्रचण्ड सर्वसम्मत अध्यक्ष चयन भए । दोस्रो दिनबाट माओवादीका केन्द्रीय सदस्यदेखि प्रदेश र जिल्ला तहका नेताहरु बधाइ दिन प्रचण्ड निवास खुमलटार जान थाले ।
अध्यक्षलाई बधाइ दिनजानेहरु दिनदिनै बढ्न थालेपछि उनको सचिवालयले भेटघाट बन्द गरेको विज्ञप्ती नै निकालेको छ । कोरोना फैलिएको त्यसकारण भेटघाट बन्द गरेको विज्ञप्ती निकालेको दोस्रो दिन प्रचण्डलाई नै कोरोना सक्रमण पुिष्ट भयो ।
तर माओवादी महाधिवेशन केन्द्र नै कोरोना सक्रमणको हटस्पट बनेको देखिन्छ । १८ गते महाधिवेशन सकिएपछि सहभागी प्रतिनिधिहरुमा सामान्य रुघाखोकी, हल्का ज्वरो आउने लक्षण देखिन थालेका थिए । सुरुमा सबैले मौसमी फ्लु भन्दै सामाजिक संञ्जालमा लेखेपनि परिक्षण गरेपछि धेरै नेताहरुमा कोरोना सक्रमण पुष्टि भएको छ ।
शनिवार माओवादी अध्यक्ष प्रचण्ड, नेता नारायणकाजी श्रेष्ठ,मातृका यादव, हरिबोल गजुरेल, शक्ति बस्नेत, सत्या पहाडी,डोरप्रसाद उपाध्याय, रामप्रसाद सापकोटा ,वाइसियल संयोजक सुमन देवकोटा, सहसंयोजक सुवोध श्रीपाली, क्रान्तिकारीको अध्यक्ष पञ्चा सिंह, प्रचण्डका स्वकीय सचिव रमेश मल्ल लगायतमा कोरोना सक्रमणको पुष्टि भएको छ ।
अहिले माओवादीको कार्यलय बन्द गरेको छ।
प्रचण्ड लगातार तीनसम्म सत्ता गठबन्धनकोको बैठकमा सहभागी भएका थिए । सत्ता गठबन्धनको बैठकमा सहभागी भएका प्रचण्ड र श्रेष्ठलाई कोरोना पुष्टि भएपछि बैठकमा सहभागी सबै नेताहरु कन्ट्याक्ट ट्रेसिङमा परेका छन् । जसमा प्रधानमन्त्री शेरबहादुर देउवा,नेकपा एकीकृत समाजवादीका अध्यक्ष माधवकुमार नेपाल, राष्ट्रिय जनमोर्चाकी नेता दुर्गा पौडेल, जनता समाजवादी पार्टीका अध्यक्ष उपेन्द्र यादव र संघीय परिषद् अध्यक्ष बाबुराम भट्टराई, सञ्चारमन्त्री ज्ञानेन्द्रबहादुर कार्की, कांग्रेस नेता रामचन्द्र पौडेललगायत सहभागी भएका थिए ।
प्रचण्डलाई कोरोना पुष्टि भएकै दिन प्रधानमन्त्री देउवाले प्रमुख प्रतिपक्ष दलका नेता तथा एमाले अध्यक्ष केपी शर्मा ओलीलाई भेटेका थिए । उक्त भेटपछि देउवा आइसोलेसन बसेका छन् ।
शनिबारदेखि आइसोलेट भएका प्रधानमन्त्री देउवापछि सञ्चार तथा सूचना प्रविधिमन्त्रीमन्त्री ज्ञानेन्द्रबहादुर कार्की पनि आइसोलेसनमा बसेका छन्।
अहिले प्रमुख राजनीतिक दलका नेतृत्वहरुले भेटघाट बन्द गरेर आइसोलेसन बसेका छन् । तर शनिबार प्रधानमन्त्री देउवा भेटेका ओली भने आइतबार गृहजिल्ला झापा पुगेका छन् ।
होम आईसोलेसनमा बसेका प्रधानमन्त्री शेरबहादुर देउवाको पसिआर परिक्षण आज नहुने भएको छ । स्वास्थ्यमा समस्या नआएपनि पिसिआर परिक्षण नगरुन्जेल आईसोलेसनमै बस्ने प्रधानमन्त्रीका स्वकिय सचिव भानु देउवाले बताए ।
संक्रमित तथा आईसोलेसनमा रहेका नेताहरुले आफूहरुको सम्पर्कमा आएकाहरुलाई स्वास्थ्य सावधानी अपनाउन आग्रह गरेका छन् ।
प्रतिक्रिया दिनुहोस्