बर्षाका कारण ब्रजिलमा १० जनाको मृत्यु

काठमाडौँ । ब्राजिलमा वर्षाबाट १० जनाको ज्यान गएको छ । दक्षिणपूर्वी ब्राजिलको केही भागमा निरन्तर बर्षा भैरहेको छ । सो वर्षाबाट पछिल्लो २४ घन्टामा कम्तीमा पनि १० जनाको ज्यान गएको बताइएको छ ।

भारी वर्षाका कारण पहिरो गएको र पहिरोमा परी एकै परिवारका ४ जना पुरिएका छन् । पहिरोले पुरिएको स्थानबाट उनीहरुको उद्धार कार्य जारी रहेको भए पनि भारी वर्षाका कारण उद्धारमा निकै समस्या देखिएको छ । वर्षाबाट मुत्यु भएका १० जनाको शव भेटिएको छ भने केही व्यक्ती हराइरहेको हुँदा खोजी कार्य जारी रहेकोे छ ।

वर्षा भैरहेको स्थानमा धेरै भौतिक संरचनाहरु भत्किएका छन् । वर्षा अझै केही समय नरोकिने भएकाले सबैलाई घरभित्रै बस्नका लागी सूचना जारी गरिएको प्रहरीले जनाएका छ ।