कठमाडौँ । जारी सहिद स्मारक ‘ए’ डिभिजन लिग फुटबलमा आज(सोमबार) नवौ चरणको अन्तिम एक खेल हुँदैछ । आज हुने एक मात्र अन्तिम खेलमा न्युरोड टिम एनआरटी र जावलाखेल युथ क्लबबीच प्रतिस्पर्धा हुनेछ ।
एनआरटीले ८ खेलमा १० अंक जोडेर लिगको आठौं स्थानमा रहेको छ भने जावलाखेलले ८ खेलमा ८ अंक जोड्दै दशौँ स्थानमा रहेको छ ।
एनआरटी र जावलाखेलबीचको खेल दिउँसो १ बजे त्रिपुरेश्वरस्थित दशरथ रंगशालामा हुनेछ ।
दुई टिमबीच लिगका पछिल्ला पाँच संस्करणमा चार खेल भएका छन् । त्यसमा एनआरटी दुईमा विजयी रहेको छ भने दुई खेल बराबरीमा टुंगेको छ ।
प्रतिक्रिया दिनुहोस्