पत्रकार विश्वकर्माको निधन

काठमाडौं । पत्रकार एलबी विश्वकर्माको निधन भएको छ । टिभी टुडे टेलिभिजनमा कार्यरत पत्रकार विश्वकर्माको आज बिहान ३ बजे उपचारका क्रममा ललितपुरस्थित पाटन अस्पतालमा मृत्यु भएको हो । उनलाई श्वासप्रश्वासमा समस्या देखिएपछि बुधबार राति अस्पताल लगिएको थियो ।

बुधबार राति स्वास्थ्यमा समस्या आएपछि उनलाई पाटन अस्पतालको कोभिड वार्डमा भर्ना गरिएको थियो । अछाम रामारोशन–५ निवासी विश्वकर्माका श्रीमती र एक छोरा छन् ।