काठमाडौं । घानाको यपिएट शहरमा ठूलो विष्फोट भएको छ । विष्फोटबाट कयौं भवनहरु भत्किनुको साथै मानिसहरुको मृत्यु भएको छ ।
घटनास्थलमा १७ वटा शव फेला परेका एक स्थानीय अधिकारीलाई उद्धृत गर्दै बीबीसीले जनाएको छ । प्रहरीले भने मृत्यु हुनेको बारेमा बताएको छैन ।
सुनको खानीको रुपमा चिनिने यपिएट शहरमा विष्फोट भएको हो । खानीका लागि आवश्यक विष्फोटक पदार्थ बाकेको गाडी मोटरसाइकलसँग ठोक्किएपछि विष्फोट भएको जनाएको छ । ।
स्थानीय मिडियाहरुले सार्वजनिक गरेको तस्वीर र भिडियोमा विष्फोट भएको स्थानमा धुलो र धुवाँको मुस्लो उडेको देखिन्छ । भग्नावशेषमा च्यापिएकाहरुले चिच्याउँदै सहायता मागेको पनि देखिन्छ ।
अहिले घटना स्थलनमा अहिले उद्दार कार्य चलेको बताइएको छ । स्थानीइ प्रहरीले नजिकका सबै प्रशासन भवन चर्चहरुलाई खोलेर पिडितलाई बस्न दिनु भनेको छ ।
प्रहरीले सबैलाई संयम अपनाउन भनेको छ ।
प्रतिक्रिया दिनुहोस्