काठमाडौँ । राष्ट्रिय टोलीका मुख्य प्रशिक्षक अब्दुल्लाह अलमुतैरीले मौरिससविरुद्धको मैत्रीपूर्ण खेलका लागि आज(बुधबार) आफ्नो टोली घोषणा गरिसकेका छन् ।
दशरथ रंगशालामा जनवरी २९ र फेब्रुअरी १ मा हुने दुई मैत्रीपूर्ण खेलका लागि अल्मुतैरीले दुई नेपाली टोलीको घोषणा गरेका हुन् । राम्रो नतिजाको अपेक्षा गर्नुभन्दा पनि खेलाडीहरूलाई एक्सपोजर दिनमा आफू बढी केन्द्रित भएको अलमुतैरीले बताएका छन् ।
दशरथ रंगशालामा दिउँसो पौने पाँच बजे हुने खेलमा प्रवेश गर्नका लागी खोपकार्ड अनिवार्य गरेको र सरकारले जारी गरेको स्वास्थ्य प्रोटोकलको पालना गर्न मैत्रीपूर्ण रंगशालाको कुल क्षमताको एक तिहाइ मात्र अनुमति दिइएको एन्फाले जनाएको हो ।
नेपालले जनवरी २९ र फेब्रुअरी १ मा मरिसससँग दुई मैत्रीपूर्ण खेल खेल्नेछ । एन्फाले सामान्य र भीआईपी प्यारापिटको लागि क्रमशः रु ५०० र रु एक हजार मूल्य तोकेको छ ।
प्रतिक्रिया दिनुहोस्