काठमाडौँ । जारी २० औं संस्करणको आहा रारा गोल्डकप फुटबल सेमिफाइनलमा जित निकाल्दै एपीएफ फाइनलमा प्रवेश गरेको छ ।
पोखरा रंगशालामा आज भएको पहिलो सेमिफाइनलमा मछिन्द्र क्लबलाई ३–१ गोल अन्तरले हराउदै एपीएफ फाइनलमा प्रवेश गरेको हो । दुवै टोलीले पहिलो हाफमा १–१ को बराबरी खेलेका थिए । दोस्रो हाफको ६७औँ मिनेटमा प्रदिप लामाले एक गोल गर्दै एपीएफलाई २–१ को अग्रता दिलाएका थिए भने खेलको अन्तिम इन्जुरी टाइममा नविन लामाले एक गोल गर्दा एपीएफले ३–१ अन्तरले जित निकालेको हो ।
आजको जितसंगै एपीएफले फाइनलमा मनाङ मर्स्याङ्दी क्लब र त्रिभुवन आर्मी क्लबबीच हुने विजेता टोलि सँग प्रतिस्पर्धा गर्नुपर्नेछ ।
यस प्रतियोगिताको विजेता टिमले १० लाख १ हजार र उपविजेता टिमले ५ लाख १ हजार प्राप्त गर्ने छन् भने यस वर्ष पनि स्वर्गीय सूर्यबहादुर केसीको स्मृतिमा उत्कृष्ट ५ विधाको पुरस्कार प्रदान गरिने छ ।
प्रतिक्रिया दिनुहोस्