कोरोना : मृत्यु दर झन उकालो, एकै दिन १५ को मृत्यु

काठमाडौँ । पछिल्लो २४ घण्टामा आठ हजार १७ जना नयाँ कोरोना भाइरस संक्रमित थपिएका छन् । २१ हजार ८ सय ८ जनामा आरटीपीसीआर र एन्टीजेन परीक्षण गर्दा आठ हजार १७ जनामा कोरोना भाइरस संक्रमण देखिएको स्वास्थ्य तथा जनसङ्ख्या मन्त्रालयले जनाएको छ ।

पछिल्लो २४ घण्टामा पाँच हजार २ सय ९२ जना कोरोनामुक्त भएका छन् भने १५ जनाको मृत्यु भएको छ । पछिल्लो २४ घण्टामा पाँच लाख ५४ हजार पाँच सय ६६ जनाले कोरोनाविरुद्धको खोप लगाएका छन् ।

नेपालमा हालसम्म कोरोनाबाट ११ हजार ६ सय ८७ जनाको मृत्यु भएको मन्त्रालयले बताएको छ । हाल सक्रिय संक्रमितको संख्या ९० हजार पाँच सय ७६ रहेको छ।