काठमाडौं । नेपाली कांग्रेसको केन्द्रीय कार्यसमितिको बैठक आज(शुक्रबार) दिउँसो ३ बजे भर्चुअल माध्यमबाट बस्ने भएको छ ।
केन्द्रीय कार्यसम्पादन समिति गठन मुख्य एजेण्डा रहेको बैठकमा राष्ट्रियसभा निर्वाचनको समीक्षा र स्थानीय निर्वाचन बारे पनि छलफलका हुने बताइएको हो ।
कांग्रेसको विधानमा ४५ सदस्यीय केन्द्रीय कार्यसम्पादन समिति गठनको व्यवस्था रहेको छ । सभापति, उपसभापति, महामन्त्री, कोषाध्यक्ष र सहमहामन्त्री, ३१ जना सदस्य, प्रवक्ता, संसदीय दलको नेता कार्यसम्पादन समितिको पदेन सदस्य हुनेछन् । सभापति देउवाले आज कार्यसम्पादन समिति सदस्यका लागी प्रस्ताव गर्ने तयारी गरेका छन् ।
कांग्रेसमा १४ पदाधिकारीमध्ये कोषाध्यक्ष र अन्य २० जना केन्द्रिय सदस्य मनोनीत गर्न बाँकी छ । सभापतिले निर्वाचित केन्द्रीय सदस्यमध्ये एक जनालाई कोषाध्यक्षमा प्रस्ताव गर्ने र केन्द्रीय समिति बैठकले अनुमोदन गर्ने व्यवस्था रहेको छ ।
प्रतिक्रिया दिनुहोस्