पछिल्लो २४ घण्टामा छ हजार आठ सय २७ जनामा कोरोना संक्रमण, १० जनाको मृत्यु

काठमाडौँ । पछिल्लो २४ घण्टामा छ हजार आठ सय २७ जना नयाँ कोरोना भाइरस संक्रमित थपिएका छन् । १९ हजार ८ सय ६९ जनामा आरटीपीसीआर र एन्टीजेन परीक्षण गर्दा छ हजार आठ सय २७ जनामा कोरोना भाइरस संक्रमण देखिएको स्वास्थ्य तथा जनसङ्ख्या मन्त्रालयले जनाएको छ ।

पछिल्लो २४ घण्टामा पाँच हजार ४ सय ३२ जना कोरोनामुक्त भएका छन् भने १० जनाको मृत्यु भएको छ । पछिल्लो २४ घण्टामा एक लाख २८ हजार पाँच सय ६३ जनाले कोरोनाविरुद्धको खोप लगाएका छन् ।

नेपालमा हालसम्म कोरोनाबाट ११ हजार ६ सय ९७ जनाको मृत्यु भएको मन्त्रालयले बताएको छ । हाल सक्रिय संक्रमितको संख्या ८९ हजार ९ सय ४१ रहेको छ ।