मेक्सिकोमा भ्यान दुर्घटना हुँदा १२ जनाको मृत्यु, ११ घाइते

काठमाडौँ । मेक्सिकोको जालिस्को राज्यमा शनिबार भएको भ्यान दुर्घटनामा कम्तीमा १२ जनाको मृत्यु भएको छ भने ११ जना घाइते भएका छन् ।

जलिस्को सिभिल प्रोटेक्शन एण्ड फायर डिपार्टमेन्टका अनुसार उक्त भ्यानमा पर्यटककर्मीहरू सवार रहेका थिए । दुर्घटनामा आठ पुरुष र चार जना महिलाको मृत्यु भएको राज्यको नागरिक सुरक्षा विभागले जनाएको छ ।

विभागले दुर्घटनाको अनुसन्धान पूरा नभएसम्म उक्त क्षेत्रमा सवारी साधन चलाउँदा सावधानी अपनाउन अनुरोध गरेका छन् ।