काठमाडौँ । नेपालमा पछिल्लो २४ घण्टामा थप तीन हजार पाँच सय ४० जनामा कोरोना संक्रमण पुष्टि भएको छ भने एक जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घन्टामा गरिएको २३ हजार एक सय ४५ जनाको परीक्षणबाट तीन हजार पाँच सय ४० जनामा कोरोना संक्रमण पुष्टि भएको हो ।
पछिल्लो २४ घन्टामा छ हजार तीन सय ५९ जना कोरोना संक्रमणमुक्त भएको मन्त्रालयले जनाएको हो । मन्त्रालयका अनुसार माघ १३ गते देखी हालसम्म ३२ जनाले कोरोना संक्रमणबाट ज्यान गुमाएका छन् ।
संक्रमण फैलिदै गएपछि सरकारले खोप कार्यक्रमलाई पनि तिव्रता दिएको छ । हाल सम्म एक करोड ६५ लाख २७ हजार सात सय ४१ जनाले पहिलो मात्रा खोप लगाएका छन् भने एक करोड ४० लाख १५ हजार तीन सय २४ जनाले पुर्ण मात्रा खोप लगाइसकेका छन् ।
हाल देशभर ८३ हजार नौ सय ९९ जना कोरोनाका सक्रिय संक्रमित रहेका छन् ।
प्रतिक्रिया दिनुहोस्