काठमाडौं । सहिद स्मारक ‘ए’ डिभिजन लिग फुटबल अन्तर्गत स्थगीत खेल शनिबार हुने भएको छ । कोरोना संक्रमणका कारण स्थगीत भएको खेल शनिबार हुने अखिल नेपाल फुटबल संघ (एन्फा) ले आज(सोमबार) जानकारी दिएको हो ।
नेपाल पुलिस क्लब र च्यासल युथ क्लबबीचको स्थगीत खेल माघ २ गते हुने तालिका रहेको थियो । नवौं चरण अन्तर्गतको खेलमा च्यासलका १९ जना खेलाडीमा कारोना भाइसरको संक्रमण देखिएपछि खेल स्थगित भएको हो ।
जारी लिगमा पुलिस ८ खेलमा ७ अंक जोडेर ११ औं स्थानमा छ भने च्यासल ८ खेलमा ५ अंकका साथ १३ औं स्थानमा रहेको छ ।
प्रतिक्रिया दिनुहोस्