काठमाडौँ । नेपालमा पछिल्लो २४ घण्टामा पाँच हजार पाँच सय ८३ जना नयाँ कोरोना भाइरस संक्रमित थपिएका छन् । १७ हजार छ सय ७४ जनामा आरटीपीसीआर र एन्टीजेन परीक्षण गर्दा पाँच हजार पाँच सय ८३ जनामा कोरोना भाइरस संक्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
पछिल्लो २४ घण्टामा आठ हजार दुई सय ६७ जना कोरोना संक्रमणमुक्त भएका छन् भने ९ जनाको मृत्यु भएको छ । सोहि अवधिमा तीन लाख ९९ हजारले कोरोनाविरुद्धको खोप लगाएका छन् ।
नेपालमा हालसम्म कोरोना संक्रमणबाट ११ हजार सात सय ५२ जनाको मृत्यु भएको छ ।
काठमाडौँ उपत्यकामा २९ हजार पाँच सय २० सक्रिय संक्रमित रहेका छन् भने हाल नेपालमा सक्रिय संक्रमितको संख्या ७४ हजार छ सय ५३ रहेको मन्त्रालयले बताएको छ ।
प्रतिक्रिया दिनुहोस्