धितोपत्र बोर्डको अध्यक्षमा पन्ध्रबाट पाँच जना छानिए

काठमाडौं । नेपाल धितोपत्र बोर्ड सेबोनको अध्यक्ष छनोटका लागि सिफारिस समितिले पहिलो चरणमा पाँच जनाको नाम छनोट गरेको छ । सोमबार बसेको सिफारिस समितिको बैठकले १५ जनाको आवेदन परेकोमा पाँच जनाको छनोट गरेको हो ।

छनोट भएका पाँच जनाबाट सिफारिस समितिले तीन जनाको नाम सिफारिस गर्ने छ । तीमध्येबाट एक जनालाई सरकारले बोर्डको अध्यक्ष नियुक्त गर्नेछ । उत्कृष्ट पाँच जनामा निरज गिरी, गोपालप्रसाद भट्ट, खगेन्द्र कटुवाल, रमेशकुमार हमाल र कृष्णराज पोखरेल रहेका छन् ।

उनिहरुसहित मुक्ति अर्याल, रमेश घिमिरे, चिरन्जिवी चापागाईं, नवराज अधिकारी, अम्बिका शर्मा लामिछाने, जीवन अंगाईं, सिताराम थपलिया, केशवप्रसाद श्रेष्ठ, अनिलराज पौडेल र हेमन्त बस्यालले पनि आवेदन दिएका थिए ।