काठमाडौँ । नेपालमा पछिल्लो २४ घण्टामा कोरोना भाइरस संक्रमणबाट ११ जनाको मृत्यु भएको छ । एक हजार नौ सय ५७ जना नयाँ कोरोना भाइरस संक्रमित थपिएका छन् ।
१२ हजार छ सय ९२ जनामा आरटीपीसीआर र एन्टीजेन परीक्षण गर्दा एक हजार नौ सय ५७ जनामा कोरोना भाइरस संक्रमण पुष्टी भएको स्वास्थ्य तथा जनसङ्ख्या मन्त्रालयले जनाएको छ ।
पछिल्लो २४ घण्टामा दुई लाख ७३ हजार तीन सय ४९ जनाले कोरोना भाइरसविरुद्धको खोप लगाएका छन् भने सोहि अवधिमा पाँच हजार एक सय तीन जना कोरोना संक्रमणमुक्त भएका छन
नेपालमा हालसम्म कोरोना संक्रमणबाट ११ हजार आठ सय ३८ जनाले ज्यान गुमाएका छन् ।
हाल नेपालमा सक्रिय संक्रमितको संख्या ३६ हजार एक सय ८१ रहेको मन्त्रालयले बताएको छ ।
प्रतिक्रिया दिनुहोस्