काठमाडौँ । महाधिवेशनको माग गर्दै आज(बिहिबार) नेपाल विद्यार्थी संघ (नेविसंघ)ले पदाधिकारीहरुलाई झण्डा दिएको छ ।
नेपाली कांग्रेसका केहि भ्रातृ संगठनहरुको महाधिवेशन हुन नसकेको लामो समय भएको भन्दै भ्रातृ संगठनले केहि दिनदेखी दबाव समेत दिदै आएका छन् । नेविसंघको महाधिवेसन पाँचवर्ष यता हुन सकेको छैन ।
आज नेपाली काङ्ग्रेस केन्द्रिय कार्यसम्पादन समितिको बैठक बस्नुभन्दा अघि पदाधिकारीलाई झण्डा दिएर महाधिवेशनको माग गर्दै सकारात्मक दबाव दिएका हुन् ।
सडकमा लामबद्ध बसेका नेविसंघमा आवद्ध विद्यार्थीहरु आफैले रंगरोगन गरेको झण्डासहितको पम्पलेट समाएका थिए ।
आजको कार्यसम्पादन समितिको बैठकमा म्याद समाप्त भएका भातृ एवम शुभेच्छुक संस्थाहरुको विषयलाई पहिलो एजेण्डा बनाउने निर्णय यस अघि नै भइसकेको थियो ।
प्रतिक्रिया दिनुहोस्