काठमाडौँ । आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए खेल्नु भन्दा अघि हुने चारदेशीय टी–ट्वान्टी सिरिजमा आज(शुक्रबार) नेपालले आयोजक टोली ओमानसँग प्रतिस्पर्धा गर्ने भएको छ ।
आजदेखि सुरु हुने सिरिजको पहिलो खेलमा नेपाल र ओमान भिड्न लागेका हुन् । खेल दिउँसो पौने चार बजे सुरु हुनेछ ।
२०१९ मा नेपाल ओमानसँग टी–ट्वान्टीमा ६ विकेटले पराजित भएको थियो । बलियो टिम ओमानमाथी नेपाललाई जित निकाल्न मुस्किल रहेको देखिन्छ ।
ग्लोबल छनोट ‘ए’ मा नेपालसहित ओमान, क्यानडा, बहराइन, आयरल्यान्ड, जमर्नी, युएई र फिलिपिन्स गरि आठ टोली छन् । जसको समूह ‘ए’ मा नेपाल, ओमान , क्यानाडा र फिलिपिन्स रहेका छन् भने समूह ‘बी’ मा बहराईन, आयरल्यान्ड, जर्मनी र युएई रहेका छन् ।
प्रतिक्रिया दिनुहोस्