काठमाडौँ । आईसीसी पुरुष टी–ट्वान्टी विश्वकप छनोट अन्तर्गतको ग्लोबल छनोट ए खेल्नु भन्दा अघि हुने चारदेशीय टी–ट्वान्टी सिरिजमा आज(सोमबार) नेपालले आयरल्याण्डसंग प्रतिस्पर्धा गर्ने भएको छ ।
अल अमरेट क्रिकेट मैदानमा हुने नेपाल र आयरल्याण्ड बिचको खेल नेपाली समयानुसार अपरान्ह पौने चार बजेदेखि सुरु हुनेछ । चारदेशीय टी–ट्वान्टी सिरिज अन्तर्गत यस सिरिजको अन्तिम खेलमा नेपालल टेस्ट मान्यता प्राप्त बलियो टिमसंग प्रतिष्पर्धा गर्दैछ ।
आजको खेलमा आयरल्याण्डलाई हराएमा नेपालले यस सिरिजको दोस्रो जित निकाल्ने छ । नेपालले हालसम्म टेस्ट मान्यता प्राप्त राष्ट्रमाथी कुनै फर्म्याटमा जित निकाल्न सकेको छैन । नेपालले यस खेलमा आयरल्याण्डलाई पराजित गर्न सकेमा यो नेपालका लागि ऐतिहासिक उपलब्धि हुनेछ ।
ग्लोबल छनोट ‘ए’ मा नेपालसहित ओमान, क्यानडा, बहराइन, आयरल्यान्ड, जमर्नी, युएई र फिलिपिन्स गरि आठ टोली छन् । जसको समूह ‘ए’ मा नेपाल, ओमान , क्यानाडा र फिलिपिन्स रहेका छन् भने समूह ‘बी’ मा बहराईन, आयरल्यान्ड, जर्मनी र युएई रहेका छन् ।
प्रतिक्रिया दिनुहोस्