काठमाडौँ । सहिद स्मारक ’ए’ डिभिजन लिग फुटबल अन्तर्गत आज(मंगलबार)बाट ११ औं चरणको खेलहरु सुरु भएका छन् ।
लिगको ११ औं चरणको पहिलो दिन आज दुई खेलहरु हुदैछन् ।
दशरथ रंगशाला र एन्फा कम्प्लेक्समा दिउसो १ बजेदेखि खेल जारी छ । दशरथ रंगशालामा ब्रिगेड ब्वाइज र च्यासल युथ क्लबबीच प्रतिस्पर्धा भैरहेको छ भने एन्फा कम्प्लेक्समा जावलाखेल युथ क्लब र फ्रेन्ड्स क्लब भिड्दैछन् ।
खेलअंग तालिकाको अन्तिममा रहेका दुई टोलि ब्रिगेड र च्यासलले आजको खेलमा जित निकाल्दै अंग सुधार गर्ने तयारीमा छन् । रेलिगेसनबाट जोगिन दुबैका लागि यस खेल महत्वपूर्ण रहेको छ ।
१० खेलमा ६ अंक जोडेर ब्रिगेड १३ औं स्थानमा छ भने च्यासल ५ अंक जोडेर अन्तिममा रहेको छ ।
त्यस्तै ९ अंकका साथ जावलाखेल ११ औं स्थानमा रहेको छ । ६ अंक जोडेर फ्रेन्ड्स १२ औं स्थानमा रहेको छ ।
प्रतिक्रिया दिनुहोस्