काठमाडौं । बानेश्वरमा एमसीसीको विरोधमा प्रदर्शन गर्ने प्रदर्शनकारी र प्रहरीबीच झडप भएको छ ।
माओवादी केन्द्रका भातृ संगठनहरु वाइसीएल र अखिल क्रान्तिकारी लगायतले प्रदर्शन गरेका थिए । उनीहरुले निषेधित क्षेत्र तोडेर अघि बढ्न थालेपछि प्रहरीले पानीको फोहरा र लाठीचार्ज गरेको हो । विरोध प्रदर्शनका क्रममा प्रहरी र प्रदर्शनकारीबीच झडप हुँदा केहि प्रदर्शनकारी घाईते भएका छन् ।
एमसीसीको विरोधमा माओवादी केन्द्रसँगै नेकपा एकीकृत समाजवादी पनि आन्दोलनमा छन् । यस्तै आजै विप्लव नेतृत्वको नेकपा, मोहन वैद्य नेतृत्वको नेकपा (क्रान्तिकारी माओवादी) लगायत ६ राजनीतिक दलहरुले नेपाल बन्द नै गरेर एमसीसी खारेजीको माग गरेका छन् ।
प्रतिक्रिया दिनुहोस्