थप ६ जनाको मृत्यु, पाँच सय ७० जना नयाँ संक्रमित

काठमाडौँ । नेपालमा पछिल्लो २४ घण्टामा कोरोना संक्रमणबाट छ जनाले ज्यान गुमाएका छन् भने पाँच सय ७० जना संक्रमित थपिएका छन् ।

नौ हजार सात सय ८९ जनामा आरटीपीसीआर र एन्टीजेन परीक्षण गर्दा पाँच सय ७० जनामा कोरोना भाइरस संक्रमण पुष्टि भएको मन्त्रालयले जनाएको छ ।

मन्त्रालयका अनुसार पछिल्लो २४ घण्टामा एक लाख ६४ हजार चार सय ५७ जनाले कोरोना भाइरसविरुद्धको खोप लगाएका छन् । यसै अवधिमा एक हजार नौ सय ९३ जना संक्रमणमुक्र भएका छन् ।

नेपालमा हाल १६ हजार छ सय १६ जना सक्रिय संक्रमित रहेको मन्त्रालयले बताएको हो ।

हाल सम्म नेपालमा कोरोना संक्रमणबाट ज्यान गुमाउनेको संख्या ११ हजार नौ सय एघार पुगेको छ ।