काठमाडौं । सत्तागठबन्धनका राजनीतिक दलका भातृसंगठनहरुले आज पनि एमसीसीको विरोधमा नयाँबानेश्वर क्षेत्रमा प्रदर्शन गरेका छन्। नेकपा माओवादी केन्द्र र एकीकृत समाजवादीका कार्यकर्ताहरु प्रदर्शनमा उत्रिएका छन्।
उनीहरुले सडकमा नारा जुलस सहित टायर बालेर एमसीसीविरुद्ध प्रर्दशन गरेका छन् । उनीहरुले ‘एमसीसी चाहिंदैन, देश बेच्न पाइँदैन’ लगायतका नारा लगाएका छन् । नो एमसीसी लेखिएका ब्यानर र प्लेकार्ड बोकेका छन् ।
प्रदर्शनकारीलाई प्रहरीले एभरेष्ट होटलनेर रोकेको छ । प्रदर्शनकारीमाथि पानीको फोहोरा हान्ने गाडी पनि तैनाथ गरिएको छ । गबठन्धनका प्रमुख दल माओवादी र नेकपा एकीकृत समाजवादीका कार्यकर्ताहरुले एमसीसी विरुद्ध आन्दोलन गदै आएका छन् ।
प्रतिक्रिया दिनुहोस्