काठमाडौँ । नेपालमा पछिल्लो २४ घण्टामा कोरोना संक्रमणबाट तीन जनाले ज्यान गुमाएका छन् भने चार सय ७६ नयाँ संक्रमित थपिएका छन् ।
नौ हजार चार सय २४ जनामा आरटीपीसीआर र एन्टीजेन परीक्षण गर्दा चार सय ७६ जनामा कोरोना भाइरस संक्रमण पुष्टि भएको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा आठ सय ३१ जना संक्रमणमुक्त भएका छन् भने सोहि अवधिमा एक लाख सात हजार १८ जनाले कोरोना भाइरसविरुद्धको खोप लगाएका छन् । यसै अवधिमा
नेपालमा हाल दश हजार सात सय ४७ जना सक्रिय संक्रमित रहेको मन्त्रालयले बताएको हो ।
हाल सम्म नेपालमा कोरोना संक्रमणबाट ज्यान गुमाउनेको संख्या ११ हजार नौ सय २८ पुगेको छ ।
प्रतिक्रिया दिनुहोस्