काठमाडौं । नेकपा (एमाले) का अध्यक्ष केपी शर्मा ओलीले आफ्नो पार्टी कसैले हराउनै नसकिने योद्धा भएको बताएका छन् ।
ओलीले भने ‘एउटा योद्धा यस्तो छ, जसलाई हराउनै सकिदैन,एउटै शर्तमा मात्रै ऊ हट्छ, उसलाई जमिनबाट छुटायो भने यो निर्भर भइहाल्छ । जमिन छुन पायो कि ऊ बलियो हुन्छ । अलिकति जमिनबाट छुटायो भने त सर्वोच्च अदालतमा लगेर चार न्यायाधीशले पनि पछार्दा रहेछन् एमाले जस्तो पार्टीलाई ।’
आफ्नो जन्मदिनबारे आयोजित कार्यक्रमलाई सम्बोधन गर्दै ओलीले आफूहरूले केही जमिन छोड्दा सर्वोच्चका चार न्यायाधीश प्रयोग गरेर पछार्न खोजिएको बताए ।
उनले भने ‘ हामी जमिन त छोइ हाल्छौं । खुट्टा टेकिहाल्छौं र जनतासँग एकाकार भइहाल्छौं ।’
सो अवसरमा ओलीका सम्वन्धमा लेखिएको ‘समवेत दृष्टि’ नामक पुस्तक लोकार्पण गरिएको थियो । अध्यक्ष ओलीका पिता मोहनप्रसाद ओली र पत्नी राधिका शाक्यले पुस्तक लोकार्पण गरेकाथिए ।
प्रतिक्रिया दिनुहोस्