काठमाडौँ । नेपालमा पछिल्लो २४ घण्टामा कोरोना संक्रमणबाट एक जनाको ज्यान गएको छ भने दुई सय ७५ नयाँ संक्रमित थपिएका छन् ।
आठ हजार छ सय २८ जनामा आरटीपीसीआर र एन्टीजेन परीक्षण गर्दा दुई सय ७५ जनामा कोरोना भाइरस संक्रमण पुष्टि भएको मन्त्रालयले जनाएको छ ।
मन्त्रालयका अनुसार पछिल्लो २४ घण्टामा पाँच सय ५५ जना संक्रमणमुक्त भएका छन् भने सोहि अवधिमा एक लाख २२ हजार चार सय ९३ जनाले कोरोना भाइरसविरुद्धको खोप लगाएका छन् ।
नेपालमा हाल नौ हजार दुई सय ८० जना सक्रिय संक्रमित रहेको मन्त्रालयले बताएको हो ।
हालसम्म नेपालमा कोरोना संक्रमणबाट ज्यान गुमाउनेको संख्या ११ हजार नौ सय ३२ पुगेको छ ।
प्रतिक्रिया दिनुहोस्