बिजेता कराँते खेलाडीहरुलाई सम्मान

काठमाण्डौ । बाग्लुङ्ग जिल्लाको बडिगाड डोजोका कराँते खेलाडीलाई बडिगाड गाउँपालिकाले सम्मान गरेको छ ।
गाउँपालिकाका अध्यक्ष मेहरसिहं पाईजाले खेलाडीहरुलाई मेडल प्रदान गर्दै सम्मान गर्नुभयो ।
गत मंसिर २६ गते माल्टामा भएको अनलाइन खेलमा सहभागी भई मेडल जित्न सफल भएका खेलाडीहरुलाई सम्मान गरिएको हो ।
खेलाडीलाई सम्पन्न गर्दै अध्यक्ष पाईजाले कराँते खेल र खेलाडीहरुले गाउँपालिकालाई चिनाउन ठूलो सहयोग गरेको बताउनुभयो ।
उहाँले खेलाडीहरुको हितमा गाउँपालिका सधै लागि रहने पनि बताउनुभयो ।
बडिगाड डोजोका प्रमुख प्रशिक्षक राजन पाईजाले लकडाउनको बेलामा समेत निरन्तर यस्ता खेलकुद कार्यक्रमहरु आयोजना हुँदा खेलाडीलाई हौसला बढेको बताउनुभयो ।
कार्यक्रममा डा.रोहित शर्मा र बडिगाड गाउँपालिकाका स्वास्थ्य सयोंजक चुडामणि कडेंल लगायतले बोल्नु भएको थियो ।
खेलमा उमेर समुहमा अन्तर्गत १५ बर्ष समुहमा बिनोद पाईजा र हिमाल थापा प्रथम , १६ बर्ष उमेर समुहमा लक्ष्मण पुन प्रथम , १६ बर्ष उमेर समुहमा बिमला थापा प्रथम , १७ बर्ष उमेर समुहमा नवीन थापा दृतिय , १७ बर्ष उमेर समुहमा मिलन थापा तृतिय , १५ बर्ष उमेर समुहमा अविषेक थापा तृतिय र काटातर्फ लक्ष्मण पुन तृतिय हुन सफल भएका थिए ।
अन्तराष्ट्रिय खेलाडी तथा रेफ्रि सपना लामाले नेपालबाट अनलाईन प्रतियोगिताको ब्यवस्थापनका लागि भुमिका खेल्नुभएको थियो ।