एमाले बैठक : अनुसन्धान प्रतिष्ठान निर्देशक समिति गठन,निर्वाचन विभागलाई पूर्णता

काठमाडौं । नेकपा एमालेले वरिष्ठ उपाध्यक्ष ईश्वर पोखरेलको नेतृत्वमा पार्टीको नीति अनुसन्धान प्रतिष्ठान निर्देशक समिति गठन गरेको छ ।

अध्यक्ष केपी ओलीको निवास बालकोटमा मंगलवार बसेको सचिवालय बैठकले थिंक ट्यांकहरु रहेको निर्देशक समिति गठन गरेको छ ।

समितिमा उपमहासचिव प्रदिप ज्ञवाली र स्थायी कमिटी सदस्य डा. राजन भट्टराई छन् ।

त्यस्तै डा. युवराज खतिवडा, डा. दिनेश देवकोटा,डा. अन्जान शाक्य,डा. राजेश अहिराज र डा. योगेन्द्र ढकाल (अजय शर्मा) समिति सदस्य रहेको प्रचार विभाग प्रमुख पृथ्वीसुब्बा गुरुङले जानकारी दिए ।

एमालेले निर्वाचन विभागलाई पनि पूर्णता दिएको छ ।  बैठकले विष्णु रिमाल प्रमुख र निरज आचार्य उपप्रमुख रहेको विभागलाई पूर्णता दिएको हो ।

विभागमा चुडामणी आचार्य, गणेश प्रसाई, अनन्त पौडेल, नुमकान्त पौडेल, दिपेन्द्रवहादुर थापा र रणवहादुर चन्द रहेको प्रचार विभाग प्रमुख  गुरुङले बताए ।

बैठकले पार्टी स्कूल सञ्चालन तथा पाठ्यक्रम निर्देशिका समेत पारित गरेको छ । सोही बैठकले पार्टी स्थापना दिवस वैशाख ९ गते देशका सबै तहमा र केन्द्रीय कार्यालयमा भव्यतासाथ मनाउने निर्णय गरेको उनले बताए ।