काठमाडौं । पछिल्लो २४ घण्टामा ८२ जनामा कोरोना सङ्क्रमण पुष्टि भएको छ । छ हजार एक सय ७५ जनाको एन्टिजेन र पीसीआर परीक्षण गर्दा ८२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
मन्त्रालयका अनुसार सोही अवधिमा दुई सय १३ जना सङ्क्रमणमुक्त भएका छन् ।
मन्त्रालयले पछिल्लो २४ घण्टामा कुनै पनि सङ्क्रमितको मृत्यु नभएको जनाएको छ । हाल सम्म मुलुकमा कोरोनाबाट मृत्यु हुनेको सङ्ख्या ११ हजार नौ सय ५० पुगेको छ ।
पछिल्ला २४ घण्टामा एक लाख पाँच हजार चार सय २२ जनाले कोरोनाविरुद्धको खोप लगाएको मन्त्रालयले जनाएको छ । त्यस्तै, नेपालमा हाल चार हजार पाँच सय ७४ जना सक्रिय सङ्क्रमित छन् ।
प्रतिक्रिया दिनुहोस्