काठमाण्डौ । विभिन्न जिल्लाबाट काठमाण्डौ आएर बसोबास गरेकाहरुको संगठन नेकपा एमाले सम्पर्क समन्वय कमिटीको आयोजनामा विहान ८ बजे काठमाण्डौमा भेला तथा प्रशिक्षण कार्यक्रम आयोजना गरिएको छ ।
यस कार्यक्रममा सम्पर्क समन्वय कमिटीका करिव ३ हजार नेता तथा कार्यकर्ता सहभागी हुने जनाइएको छ ।
काठमाण्डौमा बसेर विभिन्न पेशा व्यवसाय गरिरहेका विभिन्न जिल्लाका एमाले सम्वद्ध संगठित सदस्यहरुको संगठनका रुपमा रहेको सम्पर्क समन्वय कमिटिले स्थानीयतहको निर्वाचन केन्द्रीत गरेर संगठनमा आवद्ध नेता तथा कार्यकर्ताहरुको उपस्थितीमा यो कार्यक्रम गर्न लागेको हो ।
देशभर चुनावी अभियानका साथ अगाडि बढेको एमालेका अन्य नेताहरुको सहभागितामा शनिवार देशका विभिन्न जिल्लामा भेता तथा प्रशिक्षण कार्यक्रम सञ्चालन भईरहेका छन् ।
प्रतिक्रिया दिनुहोस्