काठमाडौं । नेकपा एमालेका अध्यक्ष केपी शर्मा ओलीले पाँच दलीय सत्ता गठबन्धन विरुद्ध जनआधार बन्दै गएको बताएका छन् ।
एमाले सम्पर्क समन्वय कमिटीले शनिवार आयोजना गरेको कार्यकर्ता भेलालाई सम्बोधन गर्दै अध्यक्ष ओलीले वर्तमान सरकाको काम नेपाली जनताले देखिसकेको भन्दै यसको प्रभाव निर्वाचनमा देखिने बताएका हुन । उनले निर्वाचनमा मतदाताले सहि निर्णय गर्ने बताएका हुन ।
उनले आगामी निर्वाचनबाट सबैको धरातल थाहा लाग्ने समेत बताएका छन् । अध्यक्ष ओलीले मुद्दा जितेर आएका झगडियाहरुलाई जनतामा जाने अधिकार नै नरहेको बताएका छन्।
ओलीले भने,’यो अदालतले बनाइदिएको गठबन्धन हो । कांग्रेससँग जनतासँग जाने कुनै एजेण्डा नरहेका भन्दै ओलीले एमाले आउने स्थानीय चुनावमा बहुमत सिट जित्नै पर्ने बताए ।
नेता तथा कार्यकर्ताहरुलाई निरास हुनुपर्ने कुरा कारण नरहेको बताएका ओलीले ढुक्क भएर निर्वाचनको मैदानमा होमिन सबैलाई आग्रह गरे । उच्च मनोवलका साथ निर्वाचनमा जाउँ हाम्रो सरकार र वर्तमान सरकारको काम मतदाताले राम्रो संग हेरिरहेका छन् ।
प्रतिक्रिया दिनुहोस्