काठमाडौं । अभिनेत्री करिश्मा मानन्धरले नेकपा एमालेका अध्यक्ष केपी शर्मा ओली जनताको पदप्रदर्शक भएको दाबी गरेकी छन् । मंगलबार राजधानीमा आयोजित ‘पार्टी प्रवेश कार्यक्रम’ लाई सम्बोधन गर्दै उनले ओली जनताको पथप्रदर्शक रहेको बताइन् ।
अभिनय क्षेत्रमा झण्डै तीन दशक काम गरे पनि देशका लागि अझै केही गर्न सक्छु भन्ने लागेर आफू एमालेमा जोडिएको बताइन् ।उनले भनिन्, ‘आजबाट एमालेमा रहेर राजनीतिमा अगाडि बढ्ने अठोट गरेकी छु ।’
एमालेमा प्रवेश गरिसकेपछि संक्षिप्त मन्तव्य राख्दै उनले अध्यक्ष ओलीको प्रशंसा गदै भनिन्, ‘नेता भनेको जनताको पथप्रदर्शक हो, त्यो म ओलीजीमा पाउँछु ।’
उनले एमाले अध्यक्ष केपी शर्मा ओलीको व्यक्तित्व र कार्यशैली, एमालेको नीति र देशभर देखिएको जनलहरका कारण एमाले रोजेकी बताइन् ।
एमाले समानता र सामाजिक न्यायसहितको समृद्धि भन्ने नारा बोकेर पिछडिएका वर्गको उत्थान गर्ने र देश विकास गर्ने नीति अपनाएको पार्टी भएको बताइन् ।
उनले पार्टीमा आफूले कुनै माग नराखेको बताइन् ।
प्रतिक्रिया दिनुहोस्