गठबन्धनमात्र होइन दर्ता भएका सबै दल मिलेर एमालेसँग भिड्न आए हुन्छ : ओली

काठमाडौं । नेकपा एमालेका अध्यक्ष केपी शर्मा ओलीले पाँच दलीय सत्ता गठबन्धनमात्र होइन निर्वाचन आयोगमा दर्ता भएका सबै दल एकजुट भएर आए पनि एमाले एक्लै भिड्न र जित्न सक्षम रहेको दाबी गरेका छन् ।

एमालेको उद्योग व्यवसायी विशेष जिल्ला कमिटीको अधिवेशनलाई सम्बोधन गर्दै अध्यक्ष ओलीले एमालेसँग एक्लै भिड्छु भन्ने आँट अब कांग्रेसमा पनि नरहेको बताए । त्यही भएर सभापति शेरबहादुर देउवाले प्रदेश सभापतिहरूलाई हप्काएको उनको भनाइ थियो ।

ओलीले सत्ताको धुरीमा बसेर देउवाले जताततै एमाले देखेपछि गठबन्धनको सहारा खोजेको दाबी गरे । उनले एमाले देश भरी एक्लै जित्न सक्षम रहेको भन्दै कसैले हराउने कुरा नचिताए हुने बताए ।