काठमाडौँ । नेपाली राष्ट्रिय फुटबल टोलीले मैत्रीपूर्ण फुटबलमा आज(आइतबार) थाइल्याण्डको क्लब चोनबरी एफसीसँग प्रतिस्पर्धा गर्दैछ ।
नेपाल र चोनबरीबीचको खेल नेपाली समय अनुसार पौने पाँच बजे सुरु हुनेछ ।
थाइ क्लबविरुद्ध मैदान उत्रिने नेपाल जित निकाल्ने योजनामा रहेको छ । घरेलु टोली पनि नेपाललाई हराउने उदेश्यले मैदान उत्रनेछ ।
यस अघि थाइल्याण्डसँग खेलेको मैत्रीपूर्ण खेलमा नेपाल २–० ले पराजित भएको थियो ।
एसियन कप छनोटमा नेपाल समूह ’ए’ मा रहेको छ । नेपाल रहेको समूहमा कुवेत, इन्डोनेसिया र जोर्डन रहेका छन् ।
नेपालको समूहको छनोट खेलहरु कुवेतमा आयोजना हुनेछ । छनोट खेलहरु जुन ८ देखि १४ सम्म हुनेछ ।
नेपालले जुन ८ मा जोर्डनसँग खेल्दै छनोटको सुरुआत गर्नेछ ।
दोस्रो खेलमा नेपालले जुन ११ मा कुवेतको सामना गर्नेछ ।
नेपालले जुन १४ मा इन्डोनेसियाविरुद्ध खेल्नेछ ।
प्रतिक्रिया दिनुहोस्