काठमाडौँ । त्रिकोणात्मक टी–ट्वान्टी अन्तराष्ट्रिय सिरिजमा नेपालले विजयी सुरुआत गरेको छ ।
टियु क्रिकेट मैदानमा आज(सोमबार) भएको खेलमा पपुवा न्युगिनी (पीएनजी) लाई १५ रनले हराउँदै नेपालले सिरिजमा सुखद सुरुआत गरेको हो । नेपालले दिएको १ सय ८४ रनको लक्ष्य पछ्याएको पीएनजीले १९ ओभर २ बलमा अलआउट हुँदै १ सय ६८ रन मात्र बनाउन सकेको थियो ।
नेपालले बुधबार सिरिजको दोस्रो खेलमा मलेसियासँग प्रतिस्पर्धा गर्नेछ ।
सिरिज अन्तर्गत नेपालले पीएनजी र मलेसियाविरुद्ध दुई–दुई खेल खेल्नेछ ।
नेपालले पहिलो खेलमा २ अंक जोडेर शीर्ष स्थानमा रहेको छ ।
यस सिरिजमा नेपाल, पीएनजी र मलेसियाको सहभागिता रहेको छ ।
प्रतिक्रिया दिनुहोस्