काठमाडौँ । त्रिकोणात्मक टी–ट्वान्टी अन्तर्राष्ट्रिय सिरिज अन्तर्गत आज(बुधबार) नेपालले मलेसियाविरुद्ध बलिङ गरिरहेको छ । पहिलो ओभरको पहिलो बलमै मलेसिया ओपनर तथा प्रमुख ब्याटर विरनदीप सिंहलाई नेपालका तीव्र गतिका बलर करण केसीले शून्यमा बोल्ड आउट गरेका छन् ।
टियु क्रिकेट मैदानमा टस जितेर मलेसियाले ब्याटिङ रोजेपछि नेपालले पहिले बलिङ गरेको हो । यस सिरिजमा दुबै टोलीले पपुवा न्युगिनी (पीएनजी) लाई पराजित गर्दै सिरिजमा विजयी सुरुवात गरेका हुन् ।
यसअघि नेपाल र मलेसियाबीच भएको टी–ट्वान्टी अन्तर्राष्ट्रिय खेल अन्तर्गत ६ खेलमा नेपालले जीत निकाल्दा मलेसियाले एक पटक मात्र जीत निकालेको थियो ।
प्रतिक्रिया दिनुहोस्