नेपालगञ्ज । दैनिक २ भन्दा बढि कार्यक्रममा सहभागि भईरहेका नेकपा एमालेका अध्यक्ष केपी शर्मा ओली आज जुल्मा र कालिकोटमा आयोजना हुने पार्टिका २ वटा कार्यक्रममा सहभागि हुने भएका छन् ।
निर्वाचन केन्द्रीत अभियान सुरु गरिसकेको एमालेका संघ, प्रदेश, जिल्ला र स्थानीयतहसम्म आयोजना हुने विशेष महत्वका कार्यक्रममा ओली सहभागि हुँदै आएका छन् ।
चुनावी माहोल सुरु भईसकेको छ । विभिन्न राजनीतक दलका नेता तथा कार्यकर्ताहरु नेकपा एमालेमा प्रवेश गर्ने क्रम पनि चलिरहेको छ ।
यसै क्रममा आज जुम्ला र कालिकोटमा हुने कार्यक्रमका लागि अध्यक्ष ओली हिजो नेपालगञ्ज पुग्नुभएको हो ।
विहान १० बजे हेलिकप्टरबाट जुम्लाको सिंजा र कालिकोटका पार्टी प्रवेश र चुनावीसभा सकेर नेपालगञ्ज हुँदै आज नै अध्यक्ष ओली काठमाडौं फर्कने कार्यक्रम रहेको छ ।
प्रतिक्रिया दिनुहोस्