कोभिडका कारण विदेश जान नपाएका विद्यार्थीले निवेदन गर्न सरकारको अनुरोध

काठमाडौँ । शिक्षा, विज्ञान तथा प्रविधि मन्त्रालयले कोभिड–१९ महामारीका कारण त्यस अवधिमा नेपाल फर्किएका र अध्ययन गर्न जान नपाएका विद्यार्थीहरुको निवेदन माग गरेको छ ।

मन्त्रालयले एक सूचना जारी गर्दै चैत २५ गतेभित्र निवेदन दिन अनुरोध गरेको हो ।

मन्त्रालयको सूचना पाटी वा वेबसाइटमा राखिएको निवेदन ढाँचा अनुसार विवरण खुलाई मन्त्रालयको प्राविधिक शिक्षा शाखाको इमेलमा निवेदन गर्न अनुरोध गरेको छ ।