आज निर्वाचन आयोगका पदाधिकारीले प्रधानमन्त्रीलाई भेट्दै

काठमाडौं । प्रधानमन्त्री शेरबहादुर देउवासँग आज(बुधबार) निर्वाचन आयोगका पदाधिकारीले भेट गर्दैछन् ।

निर्वाचन तयारीका बारेमा भइरहेको पछिल्लो जानकारी लिनका लागि प्रधानमन्त्रीले आयोगका पदाधिकारीलाई छलफलमा बोलाएको बताइएको छ । आगामी बैशाख ३० गते हुने स्थानीय तहको निर्वाचनको तयारीमा आयोग लागिरहेको छ । आयोगले निर्वाचन आचारसंहिता जारी गर्नेदेखि मतपत्र छपाइसम्मको तयारी गरिरहेको छ ।

यसअघि सोमबार राजनीतिक दलहरुलाई बोलाएर निर्वाचन आचारसंहिता पालनाको प्रतिवद्धतामा हस्ताक्षर गर्न लगाएको थियो ।